Юниорлар мен 23 жасқа дейінгі жастар арасында триатлоннан өткен Азия чемпионатында ел намысын абыроймен қорғаған «Астана» олимпиадалық даярлау орталығының спортшыларын құттықтаймыз! Сайыс Сауд Арабиясының Эль-Джубайль қаласында ұйымдастырылды.

Чемпионат қорытындысы төмендегідей:

Тен Александр – жастар арасында күміс медаль;

Крупяков Егор – жастар арасында қола медаль;

Жанабай Арлан – юниорлар арасында күміс жүлдені қанжығасына байлады.

Сонымен қатар, микс эстафетасында Крупяков Егор, Саприна Милена, Тен Александр және Ержанова Дианадан құралған құрам 2 орынды еншіледі.

Чемпионатқа 15 елден жиналған 120 спортшы қатысты. Триатлетшілеріміз халықаралық деңгейде жоғары дайындықтары мен командалық рухты көрсете білді. Осындай жарыстар арқылы спортшылар мықтылықтарын дәлелдеп, алдағы уақытта бұдан да биік белестерді бағындыруға көмектесетін мол тәжірибе жинақтары сөзсіз.