INVICTUS «QAZAQSTAN» КЕШЕНІНДЕ «50 ФИТНЕС ОРТАЛЫҚТАРДЫҢ ЖАРЫСЫН» СӘТТІ ӨТКІЗДІ

2025 жылғы 12–13 шілде күндері елордадағы жеңіл атлетикаға арналған «Qazaqstan» спорт кешенінде еліміздің спорт саласындағы ірі оқиғалардың бірі — INVICTUS фитнес орталық желісі ұйымдастырған дәстүрлі «Клубтар бәйгесі» турнирі өтті.

Биыл алғаш рет елордада кеңейтілген форматта — «50 фитнес орталықтардың жарысы» атауымен іс-шара өткізілді. Турнирге Қазақстанның әртүрлі өңірлерінен келген 250-ден астам қатысушы — кәсіби спортшылар, жаттықтырушылар және INVICTUS желісінің өкілдері қатысты.

Жарыстар келесі спорт түрлері бойынша өтті:
• кроссфит
• жүзу
• бодибилдинг
• пауэрлифтинг
• армрестлинг
• Owners Cup
• Members Cup
Әр санат бойынша жеңімпаздар ақшалай сыйлықтармен, арнайы дипломдармен марапатталып, кәсіби спорт қауымдастығы тарапынан лайықты құрметке ие болды.
«50 фитнес орталықтардың жарысы» — спорттың қоғамды біріктіріп, салауатты өмір салтын насихаттауға және бұқаралық спорт мәдениетін дамытуға ықпал ететін жарқын үлгі болды.