Осы жексенбіде, 5 наурызда елордалық «Астана» баскетбол клубы ВТБ Бірыңғай лигасы аясында өз алаңында Пермь қаласының «Парма» командасына қарсы матч өткізеді.

Елордалық баскетболшылар «ақпандық сапарларын» аяқтап, өз алаңына көшті, бірақ астаналықтар да аз уақыт үйде отыруға мәжбүр болады. Жексенбі күнгі ойыннан кейін команда Қазақстан кубогы үшін Алматыға аттанады.

Алдағы матчқа қатысты. Клуб ресми түрде 2012 жылы құрылған. «Парма» командасы осы маусымда ВТБ Бірыңғай лигасында дебют жасады, оған дейін клуб Ресей чемпионатының суперлигасында ойнады, өткен маусымда Ресей чемпионатының қола жүлдесін жеңіп алды. Қараша айында екі команда Парма алаңында кездесіп, кейін біздің клуб 65:82 есебімен ірі жеңіске жетті.

«Астананың» бас бапкері Илиас Папатеодору матчқа дайындық қалай жүріп жатқанын айтып берді:

- Жолда өте маңызды екі жеңістен кейін үйге оралып, өз жанкүйерлеріміздің алдында ойнаймыз. Біз матчтың басынан бастап сенімді ойнауымыз керек. Бұл ойын біз үшін маңызды болады, біздің команда жеңіске жетуді күтеді.

Матч 5 наурыз күні «Сарыарқа» республикалық велотрегінің залында Астана уақытымен сағат 16:00-де басталады. Кіруі тегін. Матчты тікелей эфирде Kazsport телеарнасы мен ВТБ Бірыңғай Лигасының сайтынан көре аласыздар.