2017 жылғы 18-20 желтоқсан аралығында «Велосипед спортынан олимпиадалық даярлау орталығы» республикалық мемлекеттік кәсіпорнының конькимен сырғанау алаңында шорт-тректен жасөспірімдер арасында Қазақстан Республикасының чемпионаты өтуде.

Алдағы Чемпионат болашақта ел құрамасының құрамында болып, әлемдік, Еуропалық және басқа да халықаралық шорт-трек жарыстарында Қазақстанның намысын қорғайтын мықты спортшыларды анықтайтыны сөзсіз.

Қазақстан Республикасы чемпионатының бағдарламасы:

18 желтоқсан – 1500 метр; 3000 м эстафета (алдын ала);

19 желтоқсан – 500 метр; Эстафета (3000 м финал);

20 желтоқсан – 1000 метр, суперфинал;

21 желтоқсан – Командалардың шығуы.

Жеңімпаздар мен жүлдегерлер Қазақстан Республикасы Спорт және дене шынықтыру істері комитетінің және «Ұлттық коньки тебу федерациясы» РҚБ грамоталарымен, медальдарымен және кубоктарымен марапатталады.

18 желтоқсан күні сағат 13:00-де Қазақстан Республикасы Чемпионатының ашылуы болады. Кіру барлығына тегін!

Велоспорт орталығының баспасөз қызметі