2017 жылғы 9 желтоқсанда сағат 10.00 «Сарыарқа» фитнес орталығында Қазақстан Республикасының Тәуелсіздік күнін мерекелеу құрметіне балалар арасында жүзуден «Юный дельфин» атты жарыс өткізіледі.

Бұл жарыстың мақсаты: осы спорт түрін дамыту және дәріптеу, салауатты өмір салтын, балалардың дене және рухани тәрбиесін, бірыңғай топтық рухты және балалардың мақсаткерліктерін қалыптастыру болып табылады.

«Юный дельфин» атты жарыста 7-14 жас шамасындағы жүзуден секцияларға қатысатын шамамен 70 бала қатысады. Жас жүзушілерді әртүрлі жас санаттарына қарай 25 және 50 метр қашықтықты жүзіп өту, сондай-ақ 100 м. қашықтыққа топтық жүзу күтіп тұр. Жарыстың жеңімпаздары грамоталармен және естелік медальдармен марапатталады.

Жанкүйер ретінде жарысқа әр қалаушы қатыса алады.

Жарыстың ұйымдастырушылары «Велосипед спортынан олимпиадалық даярлау орталығы» РМҚК болып табылады.

Өткізу орны және уақыты: 
Астана қаласы, Қабанбай батыр даңғылы 45А, «Сарыарқа» фитнес орталығы (батыс кіреберіс). Басталуы: сағат 10. 00.

БАҚ аккредитация алу үшін +7 (7172) 70 71 52, + 7 775 826 76 79 нөмірлері бойынша байланысуыңызды сұраймыз.

Велосипед спортынан ОДО

баспасөз қызметі